Lazio në garë për Januzajn
Skuadra e Lazios është e fundit që ka shprehur interesim për shërbimet e Adnan Januzajt, kanë njoftuar mediumet italiane të hënën.
Januzaj ende nuk e ka rinovuar kontratën me Real Sociedadin që i skadon në fund të sezonit dhe Lazio po synon transferimin e tij gjatë afatit kalimtar të janarit.
Megjithatë, konkurrenca është shumë e fortë për Januzajn dhe Lazio duhet të paktën të ofrojë dhjetë milionë euro për 26-vjeçarin, i cili po pëlqehet nga trajneri Maurizio Sarri.
Krahas Lazios, në garë për Januzajn janë edhe Napoli, Barcelona e West Ham Unitedi. Në 25 ndeshje këtë sezon për Sociedadin, Januzaj ka dy gola e po aq asistime.