Haaland i hapur t’i bashkohet gjigantit nga Premierliga – Ora Info Ballina | ORAinfo.com - Nuk ndalet

Haaland i hapur t’i bashkohet gjigantit nga Premierliga

20:20 | 30 Nëntor 2021

Erling Haaland i hapur për kalimin te Manchester City

Sulmuesi i Borussia Dortmundit, Erling Haaland është i hapur për kalimin te Manchester City në verën e vitit 2022.

Dortmund pritet ta shesë norvegjezin në verë, kur do t’i aktivizohet klauzola e lirimit me vlerë 75 milionë euro, transmeton lajmi.

City thuhet se është favoriti për shërbimet e Haaland, derisa edhe top klubet si Real Madrid, Manchester United, Chelsea dhe PSG gjithashtu kanë interesim.

Sidoqoftë, eksperti norvegjez i transferimeve, Andreas Korssund raporton Haaland është i hapur për kalimin te Man City verën e vitit 2022.

“Mancehster City mbetet skuadra më e favorshme për transferimin e Erling Haaland kur klauzola e verës së vitit 2022 do aktivizohet. Haaland do jetë i hapur për transferimin te City dhe bisedat për kalimin te skuadra angleze e impresionojnë atë”.

Sidoqoftë, Dortmund nuk do dorëzohet aq lehtë për Haaland, ngase do mundohen deri në fund ta bindin për rinovimin e kontratës, me momentalen që i skadon në vitin 2024.

21-vjeçari ka shënuar 71 gola dhe dhuruar 19 asistime në 70 ndeshje në të gjitha garat, derisa babi i futbollistit, Alf-Inge Haaland ka qenë pjesë e Cityt mes viteve 2000 – 2003 dhe ka zhvilluar 45 paraqitje.

Komento: