Zlatan Ibrahimoviç konfirmon se Milani është shtëpia e tij e dytë.

Milano dhe Bologna kanë synuar superyllin suedez që kur ai njoftoi se do të largohej nga LA Galaxy në dhjetor.

Kuqezinjtë tashmë i kanë ofruar atij një kontratë 18-mujore, dhe ata do të jenë të lumtur të dëgjojnë për lidhjen e tij me kryeqytetin e modës,përcjell ORAinfo.

“Milani nuk është qyteti im i dytë, është shtëpia ime e dytë,” i tha ai Gazzetta dello Sport. “Kam kujtime të shkëlqyera të kohës sime atje”.

Pavarësisht se është afër 40 vjeç, sulmuesi është akoma i nderuar në Itali, ku fitoi Scudetti me të dy klubet e Milanit.

“Nëse ka një projekt që më stimulon, unë mund të luaj deri në moshën 50 vjeç. Sapo kam mbaruar përvojën time në Los Angeles. Ishte fantastike, tani ka dy heronj të dy botëve; unë dhe Giuseppe Garibaldi. ”

Sidoqoftë, ai gjithashtu foli për admirimin e tij për shefin e Rossoblu, Sinisa Mihajlovic, i cili ka qenë duke bërë një luftë të guximshme me kancerin.

“Unë flas shumë me Sinisën. Ai është shoku im, një person i jashtëzakonshëm dhe një njeri unik”, është shprehur Ibra./ORAinfo/

Komento:

	Komenti