Lorenzo Insigne, nuk ka arritur një marrëveshje me Napolin dhe agjenti Vincenzo Pisacane thuhet se është takuar me CEO të Interit, Beppe Marotta në selinë qendrore të Nerazzurrëve.

Calciomercato raporton se biseda filloi me telefon dhe vazhdoi në Via della Liberazione në Milano, pasi agjenti i Danilo D’Ambrosio dhe Insigne foli me Marottën,përcjell ORAinfo.

Raporti pretendon se e ardhmja e italianit u diskutua, pasi marrëveshja e tij me Partenopei skadon në qershor 2022.
Interi ka pyetur për informacione pa bërë asnjë lëvizje zyrtare për kapitenin e Azzurrit.

Marotta duhet të zgjidhë situatat kontraktuale të Nicolò Barella dhe Marcelo Brozovic dhe të gjejë një zgjidhje për Alexis Sanchez para se të bëjë një lëvizje për Insigne.

Por ylli i Napolit nuk është me nxitim dhe thuhet se nuk do të përjashtojë asnjë alternativë, madje as një rinovim me Napolin.

Për momentin, ka një distancë të madhe midis ofertës së Presidentit Aurelio De Laurentiis dhe kërkesave të kapitenit. Gazeta pretendon se Interi po monitoron situatën dhe mund të jetë gati të bëjë një lëvizje në kohën e duhur./ORAinfo/

Komento:

	Komenti