“Pacienti i është nënshtruar intervenimit kirurgjik i cili ka zgjatur nga mesnata deri në orët e mëngjesit”.

Kështu njoftoi Shaqir Uka, shef i Klinikës Intensive në QKUK, për rastin e pacientiti Jeton Berisha, 51 vjeçar i cili mbeti i plagosur mbrëmë bashkë me dy djemtë e tij, në Pejë

“Po njëri nga të plagosurit është në Klinikën Intensive duke u trajtuar. Plagët janë në regjionet e poshtme të barkut (abdomenit) që kanë përfshi lëndimet të enëve të mëdha të gjakut, dëmtime të kockës në këmbën e majtë të cilat kanë qenë shumë gjakderdhëse”…

Uka njofton se gjendja shëndetësore e “pacientit vazhdon të jetë shumë e rëndë”.

Për rastin që tronditi mbrëmë Pejën vazhdon të kërkohet nga Policia i dyshuari kryesor: Agron Gashi.

Policia e Kosovës, sot herët në mëngjes e ka kërkuar ndihmën e qytetarëve për të lokalizuar të dyshuarin. Gashi sipas Policisë dyshohet për veprën penale – vrasje e rëndë në tentativë.

“I dyshuari kryesor është ende në arrati. Ai tashmë është i identifikuar policia po punon për kapjen e tij”, i tha për Gazetës Sinjali prokurori i rastit, Ersan Qavolli.

Qavolli po ashtu ka njoftuar se për rastin e mbrëmshëm në Pejë, është arrestuar një person tjetër i cili dyshohet për dhënie të ndihmës pas kryerjes së veprës penale.

Momenti i plagosjes:

Komento:

	Komenti