Ja sa të rrezikshme janë cigaret elektronike – Ora Info Ballina | ORAinfo.com - Nuk ndalet
Lajmet e fundit
0 °C

Ja sa të rrezikshme janë cigaret elektronike

13:22 | 09 Mars 2019

Cigaret elektronike po ua shtojnë 3 herë më shumë rrezikun e sulmit në zemër.

Përdorimi i cigareve elektronike ngre rrezikun e sulmeve të zemrës në tri herë më shumë, sipas një studimi madhor.
Shqetësimet po rriten në të gjithë botën lidhur me ndikimin afatgjatë të shëndetit si rezultat i avullit të cigareve elektronike, transmeton lajmi net.

Megjithatë, cigaret elektronike mbeten në qendër të politikës së shëndetit publik, me zyrtarët që vazhdimisht këmbëngulin se përfitimet tejkalojnë çdo dëmtim potencial.

Studimi, që do të prezantohet në Konferencën Amerikane të Kardiologjisë në New Orleans më vonë këtë muaj, është një nga më të mëdhatë të kryer ndonjëherë mbi ndikimin e cigareve elektronike.

Ekspertët nga Universiteti i Kansasit kanë vështruar të dhëna nga më shumë se 90,000 përdorues të cigareve elektronike (e-përdorues).

Ata gjetën se e-përdoruesit kishin 34 për qind më shumë gjasa sesa jo-përdoruesit të pësonin sulm në zemër. Ata që përdorën pajisjet më sporadikisht, kishin një rrezik 29 për qind më të madh të atakut kardiak.

Udhëheqësi i studimit Dr Mohinder Vindhyal tha: “Deri më tani, pak ka pasur informata në dispozicion për rreziqet kardiovaskulare në lidhje me përdorimin e cigareve”, tha Dr. Mohinder Vindial, udhëheqës i studimit.

Ai pranoi se studimi nuk ishte i përsosur – shumica e përdoruesve të cigareve ishin ish-duhanpirës kështu që problemet e zemrës mund të jenë për shkak të përdorimit të duhanit.

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!