Juventusi, po punon për të nënshkruar me Julian Alvarez nga River Plate. Sulmuesi argjentinas në formë është objektivi kryesor i AC Milan.

Afati i transferimeve të janarit hapet për një muaj. AC Milan ishte një nga klubet më aktive në merkaton e verës. Kuqezinjtë nënshkruan një numër rekord lojtarësh dhe pritet të transferohen sërish në janar,përcjell ORAinfo.

Një nga problemet më të mëdha të AC Milan deri më tani ka qenë numri i madh i lëndimeve në sulm. Rrallëherë Giroud, Pellegri, Ibrahimovic dhe Rebic kanë qenë të gjithë në dispozicion.

Për këtë arsye Maldini dhe Massara po mendojnë të nënshkruajnë me një sulmues të ri në janar dhe Julian Alvarez është lartë në listën e objektivave të tyre.

Sulmuesi argjentinas po kalon një sezon të mrekullueshëm me River Plate duke demonstruar se është gati për të lëvizur në Evropë së shpejti. Në 18 paraqitje deri më tani në ligë, Julian Alvarez ka shënuar 17 gola dhe ka dhënë 6 asistime. Shifra të shkëlqyera që kanë tërhequr vëmendjen e shumë klubeve të rëndësishme, përfshirë edhe Juventusin.

Todofichajes raporton se Juventusi është gati të rrëmbejë Alvarez nga AC Milan. Trajneri i Bianconerëve, Massimiliano Allegri, i ka kërkuar Juventusit që të nënshkruajë me një qendërsulmues të ri kur të hapet merkato. /ORAinfo/

Komento:

	Komenti