Juventusi merr përgjigje nga ylli i Barcelonës – Ora Info Ballina | ORAinfo.com - Nuk ndalet

Juventusi merr përgjigje nga ylli i Barcelonës

21:08 | 27 Maj 2020

Skuadra e Juventusit tashmë ka marrë një përgjigje nga lojtari i njohur i Barcelonës.

Arthur Melo e ka informuar tashmë Juventusin se nuk do të largohet nga Barcelona gjatë kësaj vere, duke bërë që praktikisht edhe marrëveshja e mundshme për Miralem Pjanic të dështojë.

Juve dhe Barca janë pajtuar tashmë për një shkëmbim kokë me kokë Pjanic-Arthur, me mesfushorin boshnjak plotësisht të gatshëm të kalojë në Camp Nou, por braziliani ka refuzuar.

Sipas Corriere dello Sport, Mundo Deportivo dhe Calciomercato.it dhe disa mediave të tjera, Arthur ka biseduar drejtpërdrejt me drejtorin sportiv të Juves, Fabio Paratici, për t’ia sqaruar qëndrimin e vet.

Ai ia ka bërë me dije zyrtarit të klubit italian se nuk e ka ndërmend të largohet nga Barcelona, pavarësisht ofertës që i bëhet.

Pjanic kërkohet edhe nga klube të tjera, përfshirë Manchester Unitedin, prandaj Juventusi mund ta përdorë atë për ta kthyer Paul Pogan në Allianz Stadium.

Komento: