Kjo është klauzola e kontratës së re të Ibrahimovicit me Milanin – Ora Info Ballina | ORAinfo.com - Nuk ndalet

Kjo është klauzola e kontratës së re të Ibrahimovicit me Milanin

13:11 | 23 Prill 2021

Zbulohen klauzolat e kontratës së re të Ibrahimovicit me Milanin.

Paga e Zlatan Ibrahimovic thuhet se mund të rritet në varësi të paraqitjeve të tij sezonin e ardhshëm dhe Milani e ka mbrojtur veten me klauzola në lidhje me mungesat e sulmuesit shkaku i lëndimeve dhe çështjet jashtë fushe.

39-vjeçari nënshkroi të enjten një zgjatje një vjeçare të kontratës, ku thuhet se do të fitojë shtatë milionë euro në vit me Rossonerët.

Suedezi ka luajtur një rol kryesor në zhvillimin e ekipit gjatë një viti e gjysmë, por humbi gjysmën e ndeshjeve të Milanit këtë sezon me çështje fizike.
Sipas La Gazzetta dello Sport, kjo është arsyeja pse Rossonerët kanë shtuar një klauzolë në marrëveshjen e sulmuesit që do të shohë rritjen e pagës së tij në varësi të paraqitjeve të tij në sezonin 2021-22.

Rossonerët thuhet gjithashtu se kanë mbrojtur veten me një klauzolë tjetër në lidhje me çështjet e sulmuesit jashtë fushe.

Më parë në prill, media suedeze pretendoi që Ibrahimovic rrezikon të gjobitet apo edhe të ndalohet nga FIFA dhe UEFA pasi kompania e tij aksionare zotëron 10 për qind të një agjencie bastesh.
Lojtari dhe klubi u konsultuan me shumë avokatë me njohuri mbi këtë çështje, dhe doli se sulmuesi rrezikon vetëm një gjobë.

“Ndihem shumë i lumtur. Kam pritur për këtë ditë dhe tani kam një tjetër vit, i cili është ai që është me të vërtetë i rëndësishëm për mua”, ka thënë Ibrahimovic pasi nënshkroi zgjatjen e kontratës së tij me Milanin.

Komento: