Koalicioni me Vetëvendosje, Mustafa thotë se vendimin e marrin organët përgjegjëse të LDK-së – Ora Info Ballina | ORAinfo.com - Nuk ndalet
Lajmet e fundit
0 °C

Koalicioni me Vetëvendosje, Mustafa thotë se vendimin e marrin organët përgjegjëse të LDK-së

15:37 | 10 Tetor 2019

Lideri i LDK-së, Isa Mustafa ka folur për takimin e sotshëm me kryetarin e VV-së, Albin Kurti lidhur me mundësinë e arritjes së një koalicioni paszgjedhor.

Përmes një postimi në Facebook, Mustafa ka thënë se do të punohet në përafrimin e objektivave qeverisëse.

Megjithatë ka thënë se pasi të dihet rezultati i saktë i të gjitha votave, dhe të dihet subjekti i parë do të përpiqen të gjejnë zgjidhje për participimin në Qeveri.

Ja postimi i plotë:

Të nderuar qytetarë

U takuam sot me liderin e Lëvizjes Vetëvendosje, z. Kurti, diskutuam mundësitë e bashkëqeverisjes, LDK- VV, si dy subjekte që dolën fituese në këto zgjedhje.

Në ditët në vijim do të punojmë në përafrimin e objektivave qeverisëse, ndërkaq pasi të përfundojë krejtësisht procesi i numërimit të të gjitha votave dhe të dihet subjekti i parë, do të përpiqemi të gjejmë zgjidhje për mënyrën e participimit në Qeveri.

Vendimin përfundimtar për bashkëqeverisje do ta marrin organet përgjegjëse të LDK-së.

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!