Kryeministri, Albin Kurti, dhe kryediplomatja, Donika Gërvalla, janë bashkëfajtorë për dështimin e Kosovës në Këshill të Evropës, sipas deputetes së Lidhjes Demokratike të Kosovës (LDK), Rrezarta Krasniqit, teksa shton se të dy ia kanë “mundësuar ditë feste” Serbisë.

Kështu, Krasniqi ka shtuar se Kurti e Gërvalla duhet të japin dorëheqje pas këtyre “dëmeve të mëdha e të pariparueshme” që ia kane shkaktuar të ardhmes euroatlantike të Kosovës.

“Kryeministri Albin Kurti dhe ministrja Donika Gërvalla, janë fajtorë për mosanëtarësimin e Kosovës në KiE dhe mundësuan ditë feste për Serbinë. Këta përfaqësues politikë sot duhet të ndihen të turpëruar dhe të japin dorëheqje, janë të paaftë dhe po shkaktojnë dëme të mëdha e të pariparueshme për të ardhmen euroatlantike të Kosovës”, ka shkruar Krasniqi, në Facebook.