Kriza nga koronavirusit, klubi i madh francez në prag të falimentimit – Ora Info Ballina | ORAinfo.com - Nuk ndalet

Kriza nga koronavirusit, klubi i madh francez në prag të falimentimit

19:35 | 22 Maj 2020

Koronavirusi ka goditur rëndë edhe klubet e futbollit.

Vendimi i autoriteteve franceze për të përfunduar kampionatin e futbollit ka sjellë humbje të mëdha për skuadrat.

Sipas gazetave në Francë, klubet e Ligue 1 kanë regjistruar deri në 500 milionë humbje.

Situata më e vështirë është te skuadrat si Marseille, Bordeaux, St Etienne dhe Lille, që janë në prag të falimentimit, përcjell lajmi.

Raportohet se vetëm tri skuadra kanë mbyllur sezonin pa humbje, dhe 17 tjera, nuk kaluan një situatë të mirë.

Në mesin e humbësve më të mëdhenj është Marseille, që numëron humbje prej 206.3 milionë euro.

Humbjen më të madhe klubet e pësuan nga të drejtat TV, sepse Canal + nuk pranoi të paguante shumën e plotë sepse një pjesë e sezonit nuk u zhvillua pas ndërprerjes së kampionatit.

Komento: