Kurti shkarkon drejtorin e Shërbimit Gjeologjik, të cilit Haradinaj ia kishte zgjatur mandatin.

Qeveria e ka shfuqizuar vendimin e Qeverisë Haradinaj për t’ia vazhduar mandatin drejtorit të përgjithshëm të Shërbimit Gjeologjik, Fidaim Sahitit.

Ministrja e Ekonomisë, Artane Rizvanolli, e cila e propozoi vendimin, tha se vendimi i ish-kryeministrit Ramush Haradinaj ka qenë në kundërshtim me ligjin.

“Propozojmë që të shfuqizohet vendimi nr. 03/117 i datës 22 janar 2020, sipas të cilit, Z.Fidaim Sahitit i vazhdohet mandati i drejtorit të Përgjithshëm në Shëbimin Gjeologjik të Kosovës edhe për tri vite”, tha Rizvanolli.

“Ky vendim është miratuar në kundërshtim me dispozitat e ligjit për shërbimin civil dhe aktet nënligjore”.

Komento:

	Komenti