Kurti i pret në zyrë gjykatësit e tenderëve, ja çfarë i këshillon – Ora Info Ballina | ORAinfo.com - Nuk ndalet

Kurti i pret në zyrë gjykatësit e tenderëve, ja çfarë i këshillon

17:42 | 27 Qershor 2022

Kurti sot në zyrën e tij ka pasur një takim.

Kryeministri Albin Kurti, së bashku me ministrat Rozeta Hajdari, Artane Rizvanolli, Hekuran Murati e Liburn Aliu, i ka pritur në zyrën e tij anëtarët e bordit të Organit Shqyrtues të Prokurimit, të votuar gjatë javës së kaluar në Kuvendin e Kosovës.

“Gjatë takimit, Kryeministri theksoi rëndësinë e fuqizimit të sundimit të ligjit përmes zbatimit të drejtë të dispozitave ligjore në fuqi. Për më tepër, Kryeministri potencoi përgjegjësinë që anëtarët e këtij Bordi kanë dhe nevojën e domosdoshme për të garantuar transparencë, dhe për të dëshmuar profesionalizëm dhe integritet në ushtrimin e detyrës”, thuhet në njoftimin e Zyrës së Kryeministrit.

Së bashku me ministrat e kabinetit qeveritar, ZKM njofton se kryeministri shprehu nevojën e dëshmimit të pavarësisë së plotë të punës së Bordit, nga të gjitha strukturat dhe pushtetet e vendit.

“Vetëm veprimi i atillë mund të shkojë në dobi të fuqizimit të shtetit ligjor dhe kthimit të besimit të qytetarëve, bizneseve e investitorëve në Organin Shqyrtues të Prokurimit”, njofton ZKM se u ka thënë Kurti gjykatësve të denderëve.

Komento: