Kush do ta gjejë zëvendësuesin e Rikallos në Qeveri? – Ora Info Ballina | ORAinfo.com - Nuk ndalet

Kush do ta gjejë zëvendësuesin e Rikallos në Qeveri?

20:50 | 04 Shkurt 2019

Gjatë ditës së shtunë, Kryeministri i Kosovës, Ramush Haradinaj e ka shkarkuar Rikallon nga posti.

Nenad Rikalo ende vazhdon të figurojë si ministër i Bujqësisë në ueb-sajtin zyrtar të Qeverisë së Kosovës, dhe atë të Ministrisë së Bujqësisë, ani pse nga e shtuna kryeministri e ka liruar nga detyra me kërkesë të Partisë Socialdemokrate.

Secila nga partitë e pushtetit po e synojnë atë dikaster, madje kanë nisur t’i çojnë edhe propozimet kryeministrit, raporton KTV, duke u thirrur në burime.

Por, në Zyrën e Kryeministrit thonë se ende nuk është vendosur se kush do të jetë ministri i ri që do ta pasojë serbin Nenad Rikalo.

As Rikalo e as ministrat e tjerë serb nuk kanë marrë pjesë në asnjë nga mbledhjet e Qeverisë që prej 26 marsit të vitit të shkuar, si protestë ndaj arrestimit të Marko Gjuriqit atë kohë.

Në Qeveri thonë se ende nuk ka vendim për ministrat e tjerë serbë.

Ndërkohë, partia që i vuri kusht kryeministrit shkarkimin e Rikalos, PSD, bën thirrje që në Ministrinë e Bujqësisë të emërohet një ekspert.

PSD thotë se s’bëhet pjesë e ekzekutivit.

Në partinë e Shpend Ahmetit kanë thënë se po e shfrytëzojnë këtë Qeveri të dobët për të punuar për interesat e qytetarëve, por mohojnë se ka më tepër afri mes tyre.

Të shtunën, Kuvendi i Kosovës ka zhvilluar seancë nga paraditja deri pas mesnatës për të realizuar 5 kërkesat e PSD-së që ia kishin kushtëzuar votën për buxhetin e Kosovës.

Komento: