Një tabelë e vendosur nga Ministria e Administrimit të Pushtetit Lokal në Zubin Potok me mbishkrimin “Republika e Kosovës” është larguar nga persona të panjohur.
Rastin e kanë bërë të ditur nga Policia e Kosovës.
“Ankuesja kosovare ka njoftuar policinë se nga persona të panjohur është larguar nga objekti i qendrës tabela të cilën e kishte vendosur Ministria e Pushtetit Lokal. Po ashtu ishte dëmtuar edhe vendi (fasada) ku ishte e vendosur tabela. Rasti nën hetime”, thuhet në raportin e Policisë.
Lidhur me këtë çështje Front Online ka kontaktuar kryetarin e Zubin Potokut, Izmir Zeqirit.
Zeqiri tha se ende nuk është identifikuar se kush e ka larguar tabelën.
Ai thotë se së shpejti do të vendosët prap.
“Ende nuk e dimë se kush e ka larguar është në kërkim të policisë. Tabela do të vendosët në kohën më të shkurtë të mundshme. Patrullimet e policisë kanë qenë gjithandej komunës por momentalisht nuk është kapur askush”, u shpreh Zeqiri për Front Online.