Liverpooli vazhdon me fitore
Liverpooli shënon edhe fitoren e pestë në Grupin B.
“Të kuqtë” e drejtuar nga Jurgen Klopp të mërkurën në mbrëmje fituan pa problem ndaj Portos mysafir me rezultatin 2:0.
Me pikët e plota, Liverpooli tani ka 15 pikë dhe është i pari. I dyti është Porto me pesë pikë.
Në pjesën e parë, në minutën e 37-të, Liverpooli kaloi në epërsi por goli i shënuar nga Sadio Mane u anulua për pozitë jashtë loje.
Dy golat e fitores u realizuan në pjesën e dytë.
Thiago Alcantara me një gjuajtje të fuqishme e të saktë e kaloi në epërsi skuadrën e tij në stadiumin “Anfield”, në minutën e 52-të.
Edhe goli i dytë ishte mjaftë i bukur. Mohammed Salah me një lëvizje të përkryer brenda në zonë, shënoi për 2:0, 20-të minuta para fundit.
Milani shpreson në kalimin e grupit pas fitores në Madrid
Milani e ka shënuar fitoren e parë pas pesë xhirove të këtij edicioni në Ligën e Kampionëve. “Rossonerët” të mërkurën mbrëma fituan në udhëtimin e vështirë tek Atletico Madridi me rezultatin minimal, 1:0.
Golin e vetëm në ballafaqimin që deri në minutën e 87-të ishte pa gola, e shënoi sulmuesi 30-vjeçari Junior Messias që u asistua nga mesfushori Franck Kessie.
Milani në Grupin B ka katër pikë dhe renditet në vendin e tretë. Në vendin e fundit është Atletico Madridi që ka po aq pikë, por ka goldallim më të dobët. Me këtë fitore, Milani hyn seriozisht në garë për ta kaluar fazën e grupeve.