Romelu Lukaku është duke u stërvitur me 21 vjeçarët e Chelsea derisa raportet në Angli thonë se ai nuk ka folur ende me trajnerin Mauricio Pochettino

Sipas The Telegraph, 30 vjeçarit dhe Chelseat po i mbarojnë opsionet për të ardhmen e tij, me kalimin në Al-Hilal dhe Inter Milan që dështuan në fillim të kësaj vere. Blutë shpresonin për një marrëveshje me Juventus, në një transfer që do të bënte kalimin e Dusan Vlahovic në anën e kundërt. Megjithatë, këto bisedime ishin të vështira dhe duket se kanë dështuar.

Juve fillimisht ofrojë dy futbollistë dhe para për Lukaku. E para thuhet që kishte të bënte me atë që Chelsea të paguante 42 milionë funte dhe ta dërgonte Lukakun në Torino dhe ata Vlahovicin në Londër. Juve pastaj e reduktojë këtë shumë në 30 milionë funte por Blutë prapë e refuzuan atë.

Mësohet se Lukaku madje as nuk ka folur me trajnerin e ri të Chelsea, Mauricio Pochettino derisa ai ka vazhduar të stërvitet ndaras nga skuadra e parë në Londrën Perëndimore.

Tifozët e Juventusit tashmë janë shprehur kundër transferimit të belgut këtë verë, me marrëdhëniet e tij që nuk janë të mira as me tifozët e Interit dhe Chelseat.

Me merkaton e verës që do të mbyllet pas më pak së 10 dite, Chelsea dhe Romelu duhet ta gjejnë një zgjidhje që liron fonde për këtë skuadër dhe eliminon mosmarrëveshjet.

Komento:

	Komenti