Mësimdhënësit nesër në grevë, a do të mbahet mësimi? – Ora Info Ballina | ORAinfo.com - Nuk ndalet

Mësimdhënësit nesër në grevë, a do të mbahet mësimi?

12:54 | 26 Dhjetor 2018

Pas hyrjes së mantelbardhëve në grevë të përgjithshme, edhe mësimdhënësit kanë kërcënuar me grevë nëse kërkesat e tyre nuk merren parasysh.

SBASHK-u në një konferencë për media shpalli grevën njëorëshe për nesër më datë 27.12.2018, për shkak të paralajmërimit se mund të votohet projektligji për pagat së bashku me Projektligjin e Buxhetit 2019.

Drejtuesit e kësaj sindikate kanë thënë se me këtë projektligj janë të injoruar krahasuar me sektorë të tjerë.
Kryetari i SBASHK-ut Rrahman Jashari ka thënë se me projektligjin për paga, koeficienti për arsim duhet të jetë 2.6.

Ai ka thënë se greva njëorëshe në çerdhe do të jetë prej orës 7:00 deri në orën 8:00. Në të gjitha shkollat e Kosovës greva nis në orën e parë të të gjitha ndërrimeve, kurse në Universitetin e Prishtinës greva do të mbahet prej orës 8 deri në orën 9.

Nëse nuk plotësohen kërkesat edhe pas kësaj greve njëorëshe, SBASHK paralajmëron një grevë tjetër më 14 janar në të gjitha shkollat e Kosovës.

Komento: