AC Milan, është një nga katër klubet e interesuara për të nënshkruar me sulmuesin e Arsenalit, Alexandre Lacazette në një transferim të lirë kur t’i skadojë kontrata, thuhet në një raport.

Sipas The Sun në Angli, Topçinjtë aktualisht nuk po flasin me Lacazette për vazhdimin e kontratës së tij aktuale, e cila do të skadojë në fund të sezonit ,përcjell ORAinfo.

Sulmuesi 30-vjeçar është në muajt e fundit të marrëveshjes së tij prej 200,000 £ në javë dhe mund të nënshkruajë një parakontratë në janar pasi të rihapet afati kalimtar për sa kohë që është me një klub jashtë Premier League.

Mikel Arteta i ka thënë Arsenalit të ‘lënë në pritje të gjitha negociatat për kontratën për momentin’ ndërsa Lacazette e di se ka një numër klubesh të interesuara për t’i ofruar atij një kontratë, me Milanin të përmendur si një prej tyre së bashku me Atletico Madrid, Marseille dhe Newcastle, megjithëse siç u përmend këtij të fundit do t’i duhet të presë derisa marrëveshja e tij të përfundojë zyrtarisht.

Arsenali nuk do t’i ofrojë ish-yllit të Lyon-it një marrëveshje tjetër afatgjatë për pagën e tij aktuale, pavarësisht faktit se ai ka bërë rrugën e tij për t’u rikthyer në formacionin fillestar./ORAinfo/

Komento:

	Komenti