Kombëtarja e Kosovës mund të luajë pa Milot Rashicën në ndeshjet në tri ndeshjet e muajit shtator.

Trajnerët e shumë skuadrave nga Premier Liga angleze pritet të refuzojnë që t’i lirojnë lojtarët e tyre të udhëtojnë drejt shteteve të tyre për ndeshjet kualifikuese të Kampionatit Botëror Katar 2022, për shkak të protokollit anti-Covid-19 që ka Britania e Madhe.

Lojtarët që do të ftohen nga kombëtaret përkatëse, kur të rikthehen në Angli, do të duhet që të hyjnë në vetizolim për 10 ditë e kështu edhe të rrezikojnë paraqitjet me skuadrat e tyre në kampionat.

Ky lajm nuk do të jetë i mirë për Kombëtaren e Kosovës, pasi që nëse klubet angleze nuk do t’i lirojnë lojtarët e tyre të udhëtojnë, “Dardanët” do të zhvillojnë ndeshjet kundër Gjeorgjisë, Greqisë dhe Spanjës pa yllin Milot Rashica.

Rashica këtë verë u transferua tek skuadra angleze Norëich City nga skuadra e Werder Bremen.

Komento:

	Komenti