Lajmi / Nacionale

Ministri Veliu paralajmëron se në Karaçevë do të nis patrullimet edhe Policia e Kosovës

19:03 | 08 Gusht 2020

Ministri i Punëve të Brendshme të Kosovës, Agim Veliu, ka reaguar pas futjes së xhandarmërisë serbe brenda territorit të Kosovës në fshatin Karaçevë.

Veliu me anë të një postimi në Facebook ka njoftuar se lidhur me këtë rast e ka takuar komandantin e KFOR-it, Michele Risi.

Ky i fundit, siç është shprehur Veliu e ka informuar se patrullimi ishte i përbashkët mes forcave serbe dhe atyre të KFOR-it, dhe se aktivitete të tilla sipas Veliut mbahen edhe me Forcat e Republikës së Kosovës.

Postimi i plotë i Veliut në Facebook:

Të dashur qytetarë,

Pas shqetësimeve të ngritura në media nga qytetarët e Republikës së Kosovës, si dhe letrës publike të Kryetarit të Komunës së Kamenicës, z. Qendron Kastrati, në lidhje me hyrjen e forcave të xhandarmërisë serbe në territorin e Republikës së Kosovës, përkatësisht, në fshatin Karaçevë-Komuna e Kamenicës, sot kam zhvilluar takim pune me Komandantin e KFOR-it, Gjeneral Majorin Michele Risi, me të cilin kam diskutuar për çështjen në fjalë.

Komandanti i KFOR-it vlerësoi lartë takimin, duke u shprehur se takimet e tilla janë të mirëseardhura.

Nga Gjenerali Risi u njoftova se KFOR-i ishte alarmuar për këtë incident nga raportimet e mediave, pasi që një veprim i tillë ka qenë vetëm një patrullim i përbashkët rutinor dhe i sinkronizuar i KFOR-it dhe i Forcave të Armatosura të Republikës së Serbisë, me të cilat që nga viti 2008, KFOR-i zhvillon patrullime të përbashkëta përgjatë vijës kufitare. Pra, ky ka qenë vetëm një patrullim i përbashkët.

Aktivitete të tilla të sinkronizuara mbahen si me Forcat Serbe ashtu edhe ato të Republikës së Kosovës, në mënyrë që të evitohet çfarëdo përplasje ndërmjet pjesëtareve të dy forcave.

Mirëpres, faktin se në të kaluarën janë organizuar patrullime të përbashkëta të KFOR-it dhe të Policisë së Kosovës, duke kërkuar njëkohësisht që patrullimet e tilla të ri-fillojnë edhe në ketë pjesë të Kosovës, iniciativë e cila u mirëprit edhe nga ana e Gjeneralit Risi, i cili tha se janë të gatshëm ta asistojnë Policinë e Kosovës dhe të rifillojnë aktivitetet e tilla.

Në fund të takimit u dakorduam që KFOR-i dhe Policia e Kosovës të takohen dhe të diskutojnë mbi modalitetet për rifillimin e patrullimeve të përbashkëta e të sinkronizuara përgjatë vijës kufitare me Serbinë.

Lajme të tjera

ORAinfo

Të Fundit
Më të lexuara

Ministri Veliu paralajmëron se në Karaçevë do të nis patrullimet edhe Policia e Kosovës

Inspektorati i Prishtinës në aksion, gjobit shoferë e konfiskon targa

Osmani nesër me nderime te Memoriali për të Pagjeturit dhe për homazhe në Mejë

Szunyog: BE pret që Kosova e Serbia të zbatojnë marrëveshjen për normalizim

“Kurrë mos ta mundësoftë Allahu”, Hoxha Ahmed Kalaja i reagon Kurtit pas zotimit për lejimin e bashkimit civil të gjinisë së njëjtë

Parashikimi i motit për të shtunën

Krerët e Doganës së Kosovës takohen me homologët francezë për forcim bashkëpunimi

Inspektorati i Prishtinës në aksion, gjobit shoferë e konfiskon targa

Mbresa e mrekullueshme, vjen plot stil në setin fotografik

Sara Hoxha bën deklaratën e papritur: Nuk kam qenë kurrë bashkëshortja e Ledri Vulës, por…

Osmani nesër me nderime te Memoriali për të Pagjeturit dhe për homazhe në Mejë

Szunyog: BE pret që Kosova e Serbia të zbatojnë marrëveshjen për normalizim

“Kurrë mos ta mundësoftë Allahu”, Hoxha Ahmed Kalaja i reagon Kurtit pas zotimit për lejimin e bashkimit civil të gjinisë së njëjtë

Rreth ORAinfo

Contact


	Komenti