Mjeku kosovar del pozitiv me COVID: U kërkoj falje të gjithë atyre që u infektuan për shkakun tim.
Ka më shumë se pesë muaj prej kur qytetarët e vendit tonë po ballafaqohen me pandeminë COVID-19, derisa numri i të infektuarve ka shkuar mbi 9 mijë.
E, ky virus ka prekur në numër të madh edhe punonjësit shëndetësor.
Doktori kosovar, Mitat Salihu, përmes një postimi në FB ka treguar se rezultuar pozitiv me koronavirus.
Ai ka thënë se të jesh pozitiv me COVID nuk është marre, por marre sipas tij është të jesh pozitiv dhe të mos izolohesh.
I njëjti madje u ka kërkuar falje të gjithë atyre që ka pasur kontakt me të e janë infektuar.
Saliu krejt në fund thotë se është e tmerrshme
Ky është postimi i plotë i mjekut kosovar kur një punëtor shëndetësor është shpërndarës i infeksionit si puna e tij, e arsyeja pamundësia për t’u testuar edhe pas disa kërkesave.
Ky është postimi i plotë i tij:
Të nderuar familjarë, miq e veçanërisht kolegë mantelbardhë!
Pas disa ditësh me simptoma, dje më është bërë e mundur të testohem për covid-19.
Sot, para disa orëve kam pranuar telefonatën nga IKSHPK për të konfirmuar se rezultati i testit tim për covid-19 është pozitiv.
Të jesh pozitiv me covid-19 nuk është marre.