Ndodh edhe kjo: Dy persona e lidhin veten me zinxhir në selinë e AstraZeneca-s, ja arsyeja – Ora Info Ballina | ORAinfo.com - Nuk ndalet

Ndodh edhe kjo: Dy persona e lidhin veten me zinxhir në selinë e AstraZeneca-s, ja arsyeja

13:59 | 11 Maj 2021

Dy persona e lidhin veten me zinxhir në selinë e AstraZeneca-s, ja arsyeja.

Dy aktivistë e kanë bllokuar hyrjen e selisë kryesore të kompanisë së ilaçeve, AstraZeneca, duke bërë thirrje që gjiganti farmaceutik ta pezullojë patentën për vaksinën e saj për Covid.

Dy protestues e lidhën veten me zinxhir në dyert e selisë së AstraZeneca-s në Cambridge të Anglisë, ndërsa dy të tjerë u ngjitën lart për të vendosur një pankartë në të cilën shkruhej: “Vaksinë për njerëzit, jo vaksinë për përfitim”.

Veprimi kreativ i aktivistëve u zhvillua para protestave para selisë së kësaj kompanie në ditën e takimit vjetor të aksionarëve për të kërkuar që kompania ta licencojë haptazi vaksinën, shkruan The Guardian, transmeton Gazeta Express.

Një protestues, i cili në mënyrë simbolike e kishte lidhur veten me zinxhir në derë dhe që u prezantua si Coati, tha se e ka marrë këtë veprim, sepse aksionarët mund të vendosin që të përfitojnë nga vaksina e AstraZeneca-s.

Kompania është zotuar se do ta shpërndajë vaksinën me çmim të ulët deri në fund të pandemisë.

Komento: