Ora ndryshon nesër – Ora Info Ballina | ORAinfo.com - Nuk ndalet
Lajmet e fundit
0 °C

Ora ndryshon nesër

08:13 | 30 Mars 2019

Nga dita e nesërme ndryshon ora.

Nesër (e diel) ora do të ndryshojë sërish dhe do të shkojë 60 minuta para. Kështu ora 02.00 do të bëhet 03.00.

Në këtë mënyrë do të zgjohemi një orë më herët se gjatë këtyre 6 muajve kur ishim me orën diellore pasi kaluam 60 minuta pas në fund të tetorit.

Ndryshimi i orës do të bëjë që të përjetojmë ditë më të gjatë duke arritur në qershor deri në 17 orë me dritë dhe 7 orë në errësirë.

Deri në 2021, kur vendet e Bashkimit Europian të zgjedhin orën që mund të aplikojnë për vendin e tyre, ndërrimi i saj do të bëhet dy herë në vit.

Kështu, të dielën e fundit të marsit kalojmë me orën verore. Mëngjesin e 31 marsit, ora shkon 60 minuta para.

Prej dekadash, vendet e Bashkimit Europian aplikojnë dy orë, atë të dimrit, që nis të dielën e fundit të tetorit dhe orën verore që kthehet të dielën e fundit të marsit. Krahas shteteve që e kanë përkrahur nismën e ndërmarrë për kursimin e energjisë elektrike, ka vende si Turqia e Rusia që kanë një orë vjetore.

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!