Hashim Thaçi javën e kaluar është intervistuar për katë ditë me radhë nga prokurorët e Gjykatës Speciale në Hagë.
Deputetja e Lëvizjes Vetëvendosje, Fitore Pacolli gjatë një interviste në emisionin Frontal ka folur për çështjen e aktakuzës së presidentit, Hashim Thaçi.
Pacolli ka thënë që këtë gjykatë e ka krijuar vetë presidenti dhe si i tillë duhet ti bart pasojat.
“Presidenti këtë gjykatë speciale e ka krijuar vetë dhe i ka shkaktu vetë dëme të mëdha Kosovës dhe UÇK -së. Tash duhet ti përball vetë pasojat”, ka thënë Pacolli.
Ajo thekson që secili që shkon të dëshmojë në Gjykatë Speciale duhet të tregojë për luftën e pastër të UÇK-së.
“Krejt cka muj me thane është se kushdo që shkon në gjykatë duhet të dëshmojë për luftën e pastër të UÇK-së Unë nuk hyjë në aspekte inviduale por une mendoj që UCK nuk duhet me u gjyku sepse është krijuar nga djemtë e vajzat e Kosovës për me mbrojt vendin nga agresori”, ka shtuar ajo duke thënë që duhet të dalim faqe bardhë nga kjo situatë.