Skender Hyseni thotë se pas marrëveshjes së Washingtonit, brenda muajve pres njohjen reciproke nga Serbia.

Koordinatori shtetëror për dialogun Kosovë-Serbi Skender Hyseni pret njohje të shpejtë të Kosovës nga ana e Beogradit zyrtar. Një gjë e tillë sipas tij mund të ndodh brenda disa muajsh.

Hyseni nga Washingtoni tha se marrëveshja e nënshkruar sot në Shtëpinë e Bardhë është hapi vendimtar rreth njohjes së ndërsjellë në mes të dy vendeve.

“Zhvillim i hovshëm ekonomik i rajonit i bën problemet tjera më lehtë të zgjidhshme”, tha Hyseni.

“Sot është bërë ai hapi vendimtar drejt njohjes reciproke në mes të Kosovës dhe Serbisë. Atë njohje unë e pres brenda muajsh. Në variantin më pesimist brenda vitit të ardhshëm Kosova dhe Serbia do ta njohin njëra-tjetrën’, tha Hyseni.

Hyseni tha se nuk sheh problem çështjen e Ujmanit në marrëveshjen e sotme.

Komento:

	Komenti