Werner refuzoi transferimin te Interi

Interi është afër sigurimit të shërbimeve të Joaquin Correa, por më parë ishte përpjekur të nënshkruante me Timo Werner nga Chelsea, i cili thuhet se refuzoi një transferim te Nerazzurrët.

Werner kaloi një sezon në Stamford Bridge, duke shënuar 12 gola në 55 paraqitje me Blutë.

Këtë sezon, 25-vjeçari pritet të marrë më pak kohë lojë pasi Romelu Lukaku i është bashkuar gjigantëve të Ligës Premier nga Interi.

Sipas gazetarit të Bild, Christian Falk, Werner mund të kishte udhëtuar në drejtim të kundërt, duke u shkëmbyer pjesërisht nga klubet, por sulmuesi gjerman vendosi të qëndrojë në Stamford Bridge, ku kontrata e tij përfundon në qershor 2025.

Interi tani është afër finalizimit të një marrëveshje për sulmuesin e Lazios, Correa, i cili do të ribashkohej me Simone Inzaghi në Inter.

Correa nuk ishte as në stol në ndeshjen e parë të Lazios në Serie A kundër Empoli të shtunën dhe besohet se tashmë ka rënë dakord për kushtet personale me Nerazzurrët.

Kampionët e Serie A janë afër sigurimit të shërbimeve të tij për 30 milionë euro plus bonuse.

Komento:

	Komenti