Aksioni “Taksisti 2023” – Policia kapë mbi 10 mijë euro të falsifikuara, arrestohen dy persona.

Policia e Kosovës ka zhvilluar një aksion të quajtur “Taksisti 2023” për të parandaluar sjelljen e parave të falsifikuar nga Maqedonia në Kosovë.

Të dyshuarve A.L dhe V.F., u janë gjetur pesëdhjetë (50) paketime me gjithsej dhjetë mijë (10,000) para të Falsifikuara në bankënota nga dy (2) euro.

Përveç kësaj atyre u janë konfiskuar edhe gjashtëqind euro (600) tjera nga dy (2) euro të falsifikuara.

Pas kësaj, Policia ka kryer bastisje edhe në dy lokacione, njëri në fshatin Rakaj-Ferizaj dhe tjetri në Han të Elezit.

Pra, janë konfiskuar:

“Pesëdhjetë (50) paketime-gjithsej dhjetë mijë (10,000.00) Euro-një paketim 200 copë me nga dy (2) Euro, që dyshohet të jenë të falsifikuara,

Gjashtëqind (600) euro nga dy (2) euro të falsifikuara,

Një veturë Mercedes, pronë e të dyshuarit (A.L.),

Një veturë Opel Vektra, pronë e të dyshuarit (A.L.),

Një Telefon mobil SAMSUNG,

Një telefon mobil SAMSUNG A-12, pronë e të dyshuarës (V.F.)”, thuhet në komunikatë.

Të dyshuarit janë intervistuar në prani të avokatëve dhe janë intervistuar dhe me vendim të Prokurorit ndalohen për 48 orë për proceduar të mëtejme ligjore.

Komento:

	Komenti