Drita sot ka shënuar fitore 0:2 ndaj Sileks FC.

Fitorja e kampionit të Kosovës, Drita FC sonte në Shkup ka nxitur edhe reagimin e disa politikanëve kosovarë

Pas reagimit të kryetarit të Gjilanit, me një postim në facebook ka reaguar edhe Hashim Thaçi.
Presidenti kosovar e ka quajtur “historike fitoren e Dritës kundër Sileksit”.

“Kampioni i Kosovës, Drita, pas një loje të shkëlqyer kundër Sileksit të Maqedonisë̈ së Veriut sonte, kaloi në rrethin e tretë të Ligës së Evropës. Një hap historik për klubin nga Gjilani dhe për futbollin e Kosovës”, ka shkruar presidenti kosovar.

Kujtojmë se skuadra kampione kosovare bëhet skuadra e parë e Kosovës që arrin deri në rrethin e tretë eliminator të Europa Ligës.

Kështu ajo ka shkruar historinë dhe do të tentojë që të arrijë në fazën e playoffit duke shpresuar që të bëj një befasi në Varshavë kundër ekipit të njohur polak, Legia.

Komento:

	Komenti