Prishtina e ka fituar ndeshjen e parë ndaj Bodo/Glimt në kuadër të Ligës së Konferencës.
Skuadra e drejtuar nga Zekerija Ramadani triumfoi me përmbysje 2 – 1.
Mysafirët kaluan të parët në epërsi përmes Berg që u asistua nga Solbakken (11’).
Por, në fundin e pjesës së parë, Otto John përfitoi nga një gabim i mbrojtjes dhe barazoi rezultatin (43’).
Në 45-minutëshin e dytë, Bodo/Glimt ishte më kërkuese, por nuk i konkretizoi rastet.
Derisa, Prishtina po mbrohej, Lode bëri gabim skandaloz duke shënuar autogol me kokë, pasi nuk u kuptua me portierin (84’).
Ky gol ishte i mjaftueshëm që Prishtina të fitojë këtë ndeshje, derisa e kthimit do zhvillohet me 12 gusht.