Qeveria ka zhvilluar sot një mbledhje elektronike, në të cilën ka shqyrtuar dhe miratuar Projektligjin për Energjinë Elektrike.

Kjo u bë e ditur përmes një njoftimi për media të ekzekutivit.

Sipas njoftimit, projektligji që mori dritën jeshile, ka për qëllim përcaktimin e rregullave dhe masave për sektorin e energjisë elektrike, për të garantuar furnizim të sigurt, të qëndrueshëm dhe cilësor me energji elektrike, me çmime të përballueshme dhe transparente për konsumatorët fundorë, duke adresuar njëkohësisht caqet klimatike të vendit.