Renee bashkon Norën dhe Robertin – Ora Info Ballina | ORAinfo.com - Nuk ndalet

Renee bashkon Norën dhe Robertin

16:50 | 15 Maj 2021

Nora dhe Roberti bashkohen për t’i bërë Renee-s dhuratën më speciale.

Vogëlushja e Nora Istrefit dhe Robert Berishës, Renee, po rritet dita ditës dhe tashmë është bërë një zonjushë e vogël që na habit gjithmonë e më shumë në rrjete sociale.

Renee-n e mbajmë mend ende foshnjë, kur Nora e Roberti pozonin me të në krah, por ja që koha kalon shpejt dhe sot ajo feston 6-vjetorin e lindjes.

Megjithëse të ndarë, kjo është një ditë shumë speciale si për Norën, ashtu edhe për Renee-n.

Ndaj, çifti është bashkuar për t’i bërë të voglës së tyre dhuratën më të veçantë të ditëlindjes.

Ata i kanë dhuruar një mik të ri, një qenush të vogël të cilin duket se Renee e dashuron që tani.

Roberti ka ndarë në InstaStory dhuratën për të bijën, teksa shkruan:

“Shumë urime për ty Renee, shpirti i babit. E gëzofsh Ninën, sot i bën 2 muaj e ti 6 vjet. Të do babi shumë.”

Gjithashtu, Nora ka ndarë në profilin e saj në Instagram foto të Renee-s me qenushen në krahë.

Nora dhe Roberti kanë treguar se pavarësisht mosmarrëveshjeve të tyre, do të jenë gjithmonë aty për njëri-tjetrin si dy miq të mirë dhe sigurisht do ta luajnë siç duhet rolin e prindit për Renee-n.

Komento: