Cristiano Ronaldo shpreson që Manchester United të nënshkruajë me një nga ish-shokët e tij të skuadrës, edhe pse mund të kushtojë mbi 100 milionë euro.

Portugezi befasisht u kthye në Old Trafford këtë verë, duke lëvizur zyrtarisht në ditën e fundit të afatit kalimtar, e që menjëherë kishte ndikim me golat e tij në lojën e Djajve të Kuq.

Megjithëse rezultatet nuk kanë qenë perfekte për ekipin e Ole Gunnar Solskjaer, Ronaldo ka fituar çmimin Lojtari i Muajit në Ligën Premier, pas tre golave ​​në tre ndeshje në shtator.

36-vjeçari është një nga shumë sulmuesit që ka United, ndoshta shumë me nevojën për një mesfushor mbrojtës, por ish-lojtari i Juventusit dëshiron që klubi i tij aktual të nënshkruajë me një sulmues nga Zonja e Vjetër.

Sipas Calciomercatos, Ronaldo është një admirues i madh i sulmuesit italian, Federico Chiesa dhe dëshiron që United të bëjë një lëvizje për fituesin e Euro 2020.

Chiesa është në mes të një marrëveshje huazimi dyvjeçare nga Fiorentina te Juve, por Zonja e Vjetër ka një detyrim për të blerë 23-vjeçarin në fund të huazimit, për sa kohë që përmbushen disa kushte.

Pritet që ata të bëjnë transferimin prej 50 milionë eurosh për yllin italian verën e ardhshme, por ai ende është lidhur shumë me një largim nga Torino.

Në verë, Chelsea dhe Liverpool u lidhën me lojtarin, me ekipin e Serie A që thuhet se refuzoi një ofertë prej 100 milionë eurosh.

Pavarësisht shkëlqimit të Chiesas, Calciomercato raporton se sulmuesi mund të largohet nga ‘Allianz Stadium’ shumë shpejt dhe çdo lëvizje do të tejkalojë 100 milionë euro.

Komento:

	Komenti