Është mbajtur takimi i Komunitetit Drejtues të Projektit mbështetës mbi hartimin e Kodit Civil.

Kjo është bërë e ditur nga Ministria e Drejtësisë, ku nëpërmjet një postimi në faqen e tyre, në Facebook, është thënë se Kodi Civil është i financuar nga Bashkimi Evropian.

Në takim mori pjesë edhe Zëvendësministri i Drejtësisë, Blerim Sallahu, i cili në fjalën e tij hyrëse theksoi rëndësinë e miratimit sa më parë të Projektkodit Civil, si dokumenti më i rëndësishëm legjislativ, që rregullon marrëdhëniet shoqërore të natyres civile.

“Projektkodi Civil, mbështetur edhe nga ekspertët e projektit, do të adresohet në pajtim me vlerat dhe standardet evropiane”, thuhet në postimin e Ministrisë së Drejtësisë.

Vlen të përmendet se deputetët e Kosovës nuk e kanë miratuar ProjektKodin Civil, ku prej 61 deputetëve vetëm 28 prej tyre kishin votuar pro këtij ProjektKodi Civil.

Postimi i plotë:

U mbajt takimi i Komitetit Drejtues të Projektit mbështetës të hartimit të Kodit Civil

Në ambientet e Ministrisë së Drejtësisë u mbajt takimi i Komitetit Drejtues të Projektit për mbështetje Kodit Civil i financuar nga Bashkimi Evropian.

Në takim mori pjesë edhe Zëvendësministri i Drejtësisë, Blerim Sallahu, i cili në fjalën e tij hyrëse theksoi rëndësinë e miratimit sa më parë të Projekt-Kodit Civil, si dokumenti më i rëndësishëm legjislativ, që rregullon marrëdhëniet shoqërore të natyres civile.

Sallahu theksoi se Projekt-Kodi Civil, mbështetur edhe nga ekspertët e projektit, do të adresohet në pajtim me vlerat dhe standardet evropiane.

Në takim u diskutua për hapat e ardhshëm dhe u theksua se Projekt-Kodi civil, duke qenë njëri prej dokumenteve tejet me rëndësi i cili rregullon jetën dhe përditshmërinë e qytetarëve të Republikës sonë, i njëjti të procedohet sa më parë në Kuvend.

Komento:

	Komenti