Gjykata Themelore në Prishtinë që tri ka mbetur pa ujë.
Kjo është bërë e ditur përmes një komunikate për media nga vet gjykata.
“Kjo gjendje ka vështirësuar dhe rënduar gjendjen higjienike në objektet e Pallatit Drejtësisë po ashtu vë në rrezik shëndetin e gjyqtarëve, stafit administrativ, të cilët pavarësisht kësaj gjendje të rëndë e cila është duke mbizotëruar në tërë objektin e gjykatës, të njëjtit janë duke vazhduar të punojnë’, thuhet në komunikatë.
Nga kjo gjykatë kanë thënë se nëse nuk merren masa të menjëhershme për zgjidhjen e këtij problemi, këta të fundit do ta ndërpresin punën.
Komunikata e plotë:
Gjykata Themelore në Prishtinë prej tri ditë radhazi është duke u përballë me mungesë të ujit.
Kjo gjendje ka vështirësuar dhe rënduar gjendjen higjienike në objektet e Pallatit Drejtësisë po ashtu vë në rrezik shëndetin e gjyqtarëve, stafit administrativ, të cilët pavarësisht kësaj gjendje të rëndë e cila është duke mbizotëruar në tërë objektin e gjykatës, të njëjtit janë duke vazhduar të punojnë.
Përmes këtij reagimi, Gjykata Themelore e Prishtinës kërkon nga autoritetet kompetente si Kompania e Ujësjellësit Regjional KUR Prishtina dhe Ministria e Punëve të Brendshme – Divizioni për Menaxhimin e Ndërtesave, që të angazhohen në zgjidhjen e kësaj çështjeje dhe të marrin masa të menjëhershme për të furnizuar me ujë objektin e kësaj gjykate, në të kundërtën do të shqyrtohet seriozisht mundësia e ndërprerjes së punës, me qëllim të parandalimit të përhapjes së ndonjë epidemie eventuale./Front Onlione