Trajneri i Barcelonës, Ernesto Valverde ka lënë derën e hapur për sulmuesin e Chelsea, Pedro Rodriguez, që kthehet në klub.

Në muajin e kaluar e përditshmja El Dorsal thoshte se 32-vjeçari duket se do të largohej nga Stamford Bridge aty ku skadon kontrata e tij vitin e ardhshëm dhe gjigantët turk Fenerbahce ishin të interesuar, përcjell ORAinfo.

Një raport i mëpasshëm në Daily Telegraph pretendonte se Aston Villa po monitoronte gjithashtu një transferim në vitin e ardhshëm.

“Unë dëshiroj që të kthehem në Barcelona,” citohet të ketë thënë Pedro nga Diario AS.

“Të gjithë e dinë se çfarë ndjej për klubin dhe është e qartë që është një mundësi për t’u rikthyer. Unë gjithmonë kam thënë kështu, por është e vështirë. ”

Ylli spanjoll u zhvendos në West London në verën e vitit 2015 nga Barcelona dhe ka fituar një titull të Premier League në klub, krahas sukseseve në Kupën e Ligës, FA Cup dhe Europa League./ORAinfo/

Komento:

	Komenti