Mendes e ofron yllin e Wolves te Barcelona.
Sulmuesi i Wolves, Rafa Mir që ishte huazim te Huesca edicionin e kaluar, realizoi het-trik në gjysmëfinale me Spanjën në Lojërat Olimpike.
Reputacioni i Mir ka filluar të rritet që nga viti i kaluar, në fakt aq shumë, sa agjenti Jorge Mendes, e ka ofruar te Barcelona, transmeton lajmi.net.
Sipas Sport, oferta e parë ishte para disa muajve, që Barcelona e refuzoi.
Por, tani që ka gjetur formën e duhur, katalunasit janë duke e konsideruar si pasues adekuat pasi të largohen Martin Braithwaite dhe Rey Manaj.
Mirë dëshiron të rikthehet në La Liga, ku shënoi 13 gola në edicionin e kaluar dhe tre të tjerë në Kupën e Mbretit.
Wolves gjithashtu janë të hapur për të bëjnë biznes për 24-vjeçarin që i skadon kontrata në vitin 2022, ose të bëjnë ndonjë shkëmbim.