James Rodriguez, zyrtarisht nuk është më një lojtar i Everton pasi klubi i Katarit Al Rayyan konfirmoi nënshkrimin e yllit kolumbian.

30-vjeçari nuk është paraqitur fare për Toffees këtë sezon, pasi ka shprehur dëshirën e tij për të ndjekur trajnerin e Real Madridit, Carlo Ancelotti.
Por ai nuk arriti të largohet brenda dritares së transferimit evropian, duke e detyruar atë të kërkojë diku tjetër për një rrugë shpëtimi,përcjell ORAinfo.

Dhe largimi i tij nga Everton tani është konfirmuar, pasi Al Rayyan njoftoi të mërkurën se ata kanë nënshkruar me Rodriguez, duke i dhënë fund qëndrimit të tij një vjeçar në Merseyside.

Reprezentuesi kolumbian arriti në Everton në verën e vitit 2020 dhe shijoi një fillim rrufe të karrierës së tij në Goodison Park. Ndikimi i tij në ekip u zbeh gjatë fushatës megjithatë, dhe ai pësoi disa lëndime të cilat e lanë atë jashtë garës.

Rodriguez u zhgënjye kur trajneri Ancelotti, njeriu që e solli atë në Premier League, la Toffees për t’u kthyer në Real Madrid, dhe kjo rezultoi vendimtare në kërkesat e lojtarit për një sfidë të re. /ORAinfo/

Komento:

	Komenti