AC Milan shikoi objektivat e tjerë dhe eksploroi disa opsione, por ata kanë vendosur të përpiqen të sigurojnë Sven Botman përpara verës.

Sipas Calciomercato.com, Milani punoi shumë për javë të tëra për të provuar të nënshkruante Botman në afatin kalimtar të janarit – madje duke marrë edhe miratimin e lojtarit – por në fund ata duhej të hiqnin dorë sepse Lille nuk u hap me idenë e shitjes së lojtarit.holandez, përcjell ORAinfo.

Kjo për shkak se ata ishin ndarë tashmë me Jonathan Ikone dhe ata nuk donin të humbnin një tjetër pjesë kyçe në kuadër të ndeshjes së tyre në raundin e 16-të të Ligës së Kampionëve kundër Chelseat.

Megjithatë, Paolo Maldini dhe Ricky Massara nuk kanë ndërmend të heqin dorë dhe janë të bindur se mund ta nënshkruajnë atë në verë.

Raporti shton se Milani është ‘në rrugë të mbarë për të arritur në vijën e finishit’ dhe tashmë ka një marrëveshje në parim për një kontratë katërvjeçare me ish-mbrojtësin e Ajax-it, i cili i tha ‘jo’ Newcastle sepse dëshiron të bashkohet me Milanin. .

Dy klubet po negociojnë një marrëveshje prej rreth 27 milionë euro si një shumë fikse me shtimin e bonuseve për të arritur një maksimum prej 33 milionë euro.

Maldini dhe Massara kanë vendosur të fokusohen te Botman, i cili ka miratimin e të gjithë drejtuesve, duke besuar se ai është partneri ideal afatgjatë i Fikayo Tomorit. /ORAinfo/

Komento:

	Komenti