Manchester City do nis shumë shpejtë negociatat për rinovimin e kontratës së sulmuesit Raheem Sterling.
Anglezi ishte i lidhur me largimi në afatin kalimtar të janarit dhe kalimin te Barcelona, por që marrëveshja dështoi ngase nisi të luante titullar në formacionin e Pep Guardiolas, transmeton lajmi.net.
Meqenëse Sterling është duke luajtur vazhdimisht në muajt e fundit, trajneri Pep Guardiola dëshiron ta mbajë në “Etihad” dhe ka dhënë ‘dritën e gjelbër’ që të nisin negociatat.
Eksperti i transferimeve, Fabrizio Romano raporton se Guardiola nuk do jetë i përfshirë direkt, por që Man City do negociojë për t’ia rinovuar kontratën.
Kontrata momentale e Sterling skadon në verën e vitit 2023.