AC Milan i është ofruar shansi për të nënshkruar me tre sulmues dhe një profil është joshëse, thonë mediat.

Sipas MilanLive, kuqezinjtë po vlerësojnë mënyrën e tyre të veprimit duke pasur parasysh dyshimet nëse Zlatan Ibrahimovic do të vazhdojë kontratën e tij për një sezon tjetër.

Paolo Maldini dhe Ricky Massara janë gjithmonë në kërkim të mundësive me kosto të ulët dhe tre qendërsulmues u janë ofruar kuqezinjve, përcjell ORAinfo.

I pari është Andrea Belotti të cilit i skadon kontrata me Torinon dhe tashmë dihet mirë se ai do të dëshironte të bashkohej me Milanin pasi ata janë klubi i tij i fëmijërisë dhe do t’i mundësonte të qëndronte edhe në Itali.

Janë edhe dy sulmues të tjerë që luajnë jashtë dhe kontratat e të cilëve skadon në verë, ku njëri është Divock Origi i Liverpool-it, i cili po gjen më pak kohë për të luajtur pas nënshkrimeve të Diogo Jota dhe Luis Diaz.

Emri tjetër është Andrej Kramaric i Hoffenheim-it, i cili shënoi 20 gola sezonin e kaluar, por këtë vit 31-vjeçari është në vështirësi.

Megjithatë, Milani vazhdon të synojë të fokusohet në një sulmues të ri me potencial të shkëlqyer për të ardhmen me emra si Gianluca Scamacca i Sassuolo, Jonathan David i Lille dhe Alexander Isak i Real Sociedad joshës./ORAinfo/

Komento:

	Komenti