Takimin e fundit të ditës së hënë në Bled, kryeministri i Republikës së Kosovës, Albin Kurti, e zhvilloi me ambasadorin e Shteteve të Bashkuara të Amerikës në OSBE, Michael Carpenter.

Në këtë takim u diskutua mbi çështjet aktuale në vend dhe për procesin e dialogut, përkatësisht zbatimin e Marrëveshjes Bazike dhe Aneksit të saj, thuhet në njoftimin e kryeministrisë.

Edhe në takimin me ambasadorin Carpenter i pari i qeverisë kosovare theksoi se kanë kaluar më shumë se dy muaj pa incidente dhe protesta të dhunshme në katër komunat në veri, dhe vuri në pah uljen e prezencës së Policisë së Kosovës në dhe përreth ndërtesave të komunave përkitazi me situatën në teren. Deeskalimi tashmë ka ndodhur, tha Kurti, teksa shtoi se rieskalimi potencial duhet të parandalohet.

Komento:

	Komenti