Lideri i Gjermanisë, Friedrich Merz thotë se është në kontakt të përditshëm lidhur me luftën me udhëheqës të tjerë si Keir Starmer i Mbretërisë së Bashkuar, Emmanuel Macron i Francës dhe Giorgia Meloni e Italisë.

Merz shton se Gjermania nuk është konsultuar për luftën në Iran dhe ai mbetet i pa bindur se ekziston një plan për të sjellë ndryshim demokratik atje.

Ai gjithashtu thotë se SHBA-ja dhe Europa duhet të rrisin presionin mbi Rusinë së bashku për të arritur paqen në Ukrainë, raporton skynews, transmeton Sinjali.

Kur të vijë koha, si Gjermania ashtu edhe Ukraina do të jenë të përfshira në negociatat për garanci sigurie pas luftës për Ukrainën, shton Merz.

Duke folur në Bundestag, Merz theksoi gjithashtu rëndësinë e përfundimit sa më shpejt të një marrëveshjeje tregtare BE-SHBA.