Ministria për Punë, Familje dhe Vlerat e Luftës Çlirimtare ka funksionalizuar adresat zyrtare elektronike për paraqitjen e ankesave nga qytetarët.

Këtë e ka bërë të ditur ministri Andin Hoti, përmes një postimi në profilin e tij në rrjetin social Facebook. Ai ka shkruar se kjo po bëhet për të garantuar transparencë, përgjegjësi institucionale dhe ushtrimin e plotë të të drejtës ligjore për ankesë.

Postimi i tij i plotë:

Të nderuar qytetarë,

Për të garantuar transparencë, përgjegjësi institucionale dhe ushtrimin e plotë të të drejtës suaj ligjore për ankesë, Ministria për Punë, Familje dhe Vlerat e Luftës Çlirimtare ka funksionalizuar adresat zyrtare elektronike për paraqitjen e ankesave nga qytetarët.

Çdo qytetar që konsideron se i është cenuar një e drejtë apo ka paqartësi lidhur me përfitimet nga programet dhe skemat e Ministrisë, tani mund t’i drejtohet drejtpërdrejt institucioneve përkatëse përmes adresave zyrtare të mëposhtme: