Leon Dajaku është emri më i ri i ekipit të dytë të Bayern Munich.

Bayern Munich ka finalizuar me sukses negociatat me klubin e Stuttgart për transferimin e tij.

Sulmuesi 18-vjeçari spikati me paraqitjet fantastike në Bundesliga U19 sezonin e shkuar, ku shënoi 17 gola dhe regjistroi 7 asiste në sezonin ku skuadra e tij u mposht vetëm në finale të kompeticionit nga Dortmund.

Dajaku ka përfunduar me sukses vizitat mjekësore dhe kësisoj është zyrtarizuar nga faqja zyrtare e ‘Bavarezëve’, raporton lajmi.

Talenti kosovar fillimisht pritet të aktivizohet në Bundesligën 3 me ekipin e dytë të Bayern.

Këta të fundit paguan rreth 1.5 milionë euro për kartonin e lojtarit të ri.

Transferimi i Dajakut çon në tre numrin e lojtarëve shqiptarë te Bayern Munich. Krahas 18-vjeçarit pjesë e gjigantit gjermanë janë edhe Meritan Shabani dhe Marvin Çuni.

Ndryshe, në nivel ndërkombëtar Dajaku reprezenton Gjermaninë U18.

Komento:

	Komenti