Anëtari i VV-së emërohet në bordin e ri të QKUK-së – Ora Info Ballina | ORAinfo.com - Nuk ndalet

Anëtari i VV-së emërohet në bordin e ri të QKUK-së

12:17 | 28 Mars 2020

Njeriu i afërt i VV-së dhe këshilltari i Arben Vitisë emërohet në bordin e ri të QKUK-së.

Mirsad Shkreta, dikur kandidat për deputet, tash këshilltar i Ministrit të Shëndetësisë, anëtar dhe përkrahës i Albin Kurtit dhe Vetëvendosjes, është emëruar anëtar i Bordit të Qendrës Klinike Universitare të Kosovës.

Vendimi është marrë të premten në mbledhjen e 17-të të Qeverisë së Kosovës.

Qeveria në dorëheqje e ka shkarkuar Bordin e QKUK’së dhe menjëherë e ka emëruar të riun. Aty e kanë sistemuar edhe një përkrahës të Albin Kurtit dhe anëtar të Lëvizjes Vetëvendosje.

Mirsad Shkreta, aktualisht Këshilltar Arben Vitisë, është deleguar në Bord si përfaqësues i Ministrisë së Shëndetësisë.

Shkreta kishte dështuar të bëhej deputet i Parlamentit më 2017 kur kishte marrë vetëm 3 mijë e 387 vota më 2017.

Komento: