Blerim Vela, shef i Stafit të Kabinetit të Presidencës ka bërë një reagim pas arrestimit të të dyshuarit për djegien e veturave në veri, duke thënë se i dyshuari është person me histori kriminale.
Në postimin e bërë në Twitter, Vela thotë se komunitetet lokale në veri mund t’i besojnë Policisë së Kosovës.
Tutje ai shkroi se banditët e Radoiçiqit do të dalin paa drejtësisl për veprat e tyre kriminale.
“Një i dyshuar për djegien e veturave të serbëve vendas në veri të Kosovës është arrestuar nga Policia e Kosovës. Një person me histori të gjatë kriminale! Komunitetet lokale në veri të Kosovës mund t’i besojnë forcës policore multietnike. Banditë e Radoiçiqit do të dalin para drejtësisë për veprat e tyre kriminale”, shkroi Vela në Twitter.
Policia e Kosovës pasditen e sotme ka arrestuar një person si të dyshuar në djegien e veturave në veri.
Në njoftimin e bërë, thuhet se i dyshuari është një 36 vjeçar i nacionalitetit serb.
Policia gjithashtu njofton se i dyshuari ka qenë i përfshirë edhe në sulmin me armë ndaj Policisë së Kosovës ku dy prej tyre kishin pësuar plagë.
6 °C
