Gazetarit nga Lugina e Preshevës, Nexhat Behluli është arrestuar pasditen e së premtes nga Policia e Kosovës.

Behluli ishte intervistuar dje nga drejtoria për hetimin e krimeve të rënda në Prishtinë, në cilësinë e të dyshuarit.

Me vendim të Prokurorit kujdes Behluli është ndaluar për 48 orë, mëson Paparaci përmes burimeve në organet e drejtësisë.

Gazetari nga Presheva i kishte cilësuar gazetarët “kancer i shtetit të Kosovës”.

Ai kishte bërë thirrje për eliminimin e tyre.

“Nëse vetëm pak ja keni haberë profesionit të gazetaris e keni kuptu si funksionojnë këta profiterat medial, njëri prej tyne e publikon një Lajm tendencioz, të gjithë pas e publikojnë të njejtin Lajm vetëm ja ndryshojnë titullin. Nëse njërit prej ktyne ju zbulohet naj aferë, të gjithë këta tjerët pastaj i dalin në mbrojtje ! Këta janë kancer i shtetit të Kosovës dhe çka është më e keqja shumë jan forcu, nuk nalen, e vetmja mundësi me ja nal hovin e zullumit është sikur Bullgaria dhe Rumania qysh i ka eliminu kriminelët në prag të antarsimit në BE”, kishte shkruar ai.

Komento:

	Komenti