Deputetët e VV marrin ujë ujësjellësi në seancë: Do t’i kursejmë Kuvendit 25 mijë euro në vit – Ora Info Ballina | ORAinfo.com - Nuk ndalet

Deputetët e VV marrin ujë ujësjellësi në seancë: Do t’i kursejmë Kuvendit 25 mijë euro në vit

12:24 | 25 Nëntor 2021

Deputetët e Lëvizjes Vetëvendosje nga sot kanë vendosur që në seancë të pijnë ujë nga ujësjellësi dhe jo të ambalazhuar.

Kështu bëhet e ditur në një postim të deputetes Fitore Pacolli, e cila ka thënë se kjo bëhet për të ruajtur mjedisin.

“Një hap i vogël por me mesazh domethënës. Deputetët, posa të krijohen kushtet, do të konsumojnë vetëm ujë që ofrohet nga rrjeti publik i ujësjellësit. Nuk do të blihet më ujë siç është blerë më parë. Do të pijmë ujë që vjen nga rrjeti publik sikurse pin mbi 80% e popullatës në Kosovë duke siguruar edhe cilësinë e ujit. Kjo e ngrit edhe vetëdijen e secilit deputet për rëndësinë e cikësisë së ujit të rrjetit publik. Do ta ruajmë mjedisin. Për çdo muaj në deponitë tona nuk do të hedhim rreth 5 mijë shishe të plastikës e rreth 5 mijë gota të plastikës në muaj”, ka shkruar Pacolli.

Ajo ka thënë se ky veprim do të bëjë që Kuvendi i Kosovës të kursejë 25 mijë euro në vit.

Komento: